फागुन १५, काठमाडौं । अमेरिकी सहयोग परियोजना (एमसीसी) बारे निर्णय गर्न नेकपा एकीकृत समाजवादीको स्थायी कमिटी बैठक बस्दैछ । बैठक आज बिहान ११ बजे वानेश्वरस्थित अर्पण पार्टी प्यालेसमा बस्दैछ ।
एमसीसीका केही प्रावधान संशोधन नभएसम्म पक्षमा मतदान गर्न नसकिने समाजवादीले बताउँदै आएको छ ।
गठबन्धन जोगाउन ब्याख्यात्मक घोषणासहित एमसीसी पास गर्नुपर्ने समाजवादीमा कुरा उठे पनि निर्णय भने भइसकेको छैन । आजको बैठकले टुङ्गो लगाउने अपेक्षा गरिएको छ ।
आज दिउँसो १ बजेका लागि संसद बैठक बोलाइएको छ । त्यसअघि बिहान साढे ११ बजे सभामुख अग्निप्रसाद सापकोटाले कार्यव्यवस्था परामर्श समितिको बैठक आह्वान गरेका छन् ।
