फागुन १, काठमाडौं । प्रधानन्यायाधीश जबरा अहिले सर्वोच्च अदालतमा छन् ।संसद सचिवालयले प्रधानन्यायाधीश चोलेन्द्र शम्सेर जबरालाई महाअभियोग प्रस्ताव दर्ता भएको जानकारी गराउँदै छ ।
संघीय संसद सचिवालय स्रोतका अनुसार प्रधानन्यायाधीश जबरालाई महाअभियोग दर्ता भएको जानकारी दिन पत्राचार गर्ने प्रक्रिया चलिरहेको छ ।उनी संघीय संसद सचिवालयको पत्र प्राप्त भएपछि घर फर्किने स्रोतले बतायो ।
सत्ता गठबन्धनका ९८ सांसदहरुले आज जबराविरुद्ध महाअभियोग प्रस्ताव दर्ता गराएका छन् ।
जबराले २०७५ पुस १८ गते प्रधानन्यायाधीश पद सम्हालेका थिए । महाअभियोग प्रस्ताव दर्तासँगै जबरा प्रधानन्यायाधीश पदबाट स्वतः निलम्बनमा परेका छन् । उनी निलम्बनमा परेपछि वरिष्ठतम् न्यायाधीश दीपककुमार कार्की कायम मुकायम प्रधानन्यायाधीश बन्नेछन् ।
