ntc

नेपालले विश्वकप छनोट खेल्ने पक्का, करण बने हिरो

          |   483 Views   |   Published Date : 14th February 2018 |

फागुन २,काठमाडौं। नेपालले विश्व क्रिकेट लिग डिभिजन २ मा क्यानडालाई १ विकेटले पराजित गरेको छ। यो जितसँगै नेपाल समूहको शीर्ष स्थानमा पुग्दै सन् २०१८ को विश्वकप छनोट खेल्ने भएको छ।

नेपाललाई करन केसीले महत्वपूर्ण जीत दिलाएका छन्। उनले ३१ बलमा ३ चौका र ४ छक्काको मद्दतले सर्वाधिक ४२ रन बनाए। केसीलाई सन्दीप लामिछानेले महत्वपूर्ण साथ दिएका थिए। क्यानडाविरुद्ध टस जितेको नेपालको सुरुवाती ब्याटिङ भने चल्न सकेन। नेपालका दीलिप नाथले ४१ रन बनाए। रोहितकुमार पौडेलले २७ रन बनाए भने आरिफ शेखले २६ रन बनाए।

दिपेन्द्रसिंह ऐरीले १८ रन बनाए। अन्य ब्याट्सम्यानले दोहोरो अंक समेत पार गर्न सकेनन्। नेपालका भरपर्दा ब्याट्सम्यान कप्तान पारस खड्का, उपकप्तान ज्ञानेन्द्र मल्ल र शरद भेषवाकरको ब्याट आजको खेलमा चल्न सकेन। नेपालको ब्याटिङलाई छिट्टै गिराउने क्रममा क्यानडाका लागि सेसिल पेर्भेजले ३ महत्वपूर्ण विकेट लिए। एन दत्ताले २ विकेट लिँदा साद विन जाफरको नाममा पनि २ विकेट रह्यो।

नेपाललाई १९५ रनको चुनौती दिने क्रममा क्यानडाका श्रीमान्था विजेरत्नेले शतक प्रहार गरे। उनले १५० बल खेलेर १०१ रन बनाए। क्यानडाका लागि हम्जा तारिकले २४, धिनासाले नटआउट १८ र सइद विन जाफरले १० रन बनाए। अन्य खेलाडीले दोहो अंकमा रन जोड्न सकेनन्। नेपालका लागि वसन्त रेग्मीले ४ विकेट लिए भने सन्दीप लामिछानेले २ तथा करन केसी र शरद भेषवाकरले १-१ विकेट लिए।

Loading...

Leave a comment

Your email address will not be published.


*


दर्ता नं. ९४/०७३-७४
ठेगाना: अनामनगर, काठमाडौं ।